பொதுவாக ஆடை விடயத்தில் பெண்களைப்பற்றியே கவலைப்பட்டுக் கொண்டிருந்தோம். ஆண்களப் பொறுத்த வரையில் அளவிற்கதிகமாக (கரண்டைக் காலுக்குக் கீழ்) அணிவதக் குறித்தே விமர்சனம் இருந்தது. அரை நிர்வானம், தலையை மறைப்பது, இடுப்பைக் காட்டுவது, மெல்லிதாய் அணிவது, இறுக்கமாய் உடுப்பது என பெண்டிரை சுற்றியே விமர்சனங்கள் வீசப்பட்டிக் கொண்டிருந்தன.
காலம் சுழன்று, அமெரிக்க சிறைக் கைதிகளின் உடையை ஆண்கள் நாகரிகமாகக் கருதி உடுத்து, இல்லை இல்லை விடுத்து மகிழும் காலமொன்று வந்திருக்கிறது. மேற்சட்டை மேலே செல்ல, காற்சட்டையோ பெயருக்கேற்றாற் போல அரையையும் மீறி தொடையைத் தேடிக் கொண்டு உள்ளாடைகளுக்கு விளம்பரம் செய்து கொண்டிருக்கின்றன.
வேதனையை பல மடங்குகளாக்கும் விடயம் என்னவென்றால், தொழுகையின் உன்னத நிலையான சுஜூது வேளையில் தெரியும் தரிசனங்களே! சிலருக்கு இது தெரியாமல் செய்யும் தவறாகவே இருக்கிறது. தொப்பி போடுங்கள், தொலைபேசியை நிறுத்தி வையுங்கள், போன்ற வேண்டுகோள் விளம்பரங்களால் பள்ளிகளை அலங்கரிக்கும் நிருவாகங்கள் இந்த விபரீதமான தொழுகையைப் பாழடிக்கும் விடயத்தக் கண்டும் காணாது இருப்பது வாதனையளிக்கும் வடயமாகும்.
குர் ஆன் ஹதீஸ் என பேசித்திரியும் சில தௌஹீத் சகோதரர்களும் இந்த விடயத்தில் அசமந்தையாக இருப்து மட்டுமல்லாமல் அவர்களே இந்தப் பிழையைச் செய்வதும் கவலையளிப்பதாகவே உள்ளது.
