ஜனநாயகம்

தக்(thug)களுக்காக 
மக்களைக்கொண்டு

தக்களே செய்யும் ஆட்சி!

பேருக்கென்னவோ ஜனஞாயம்

யாருக்குமிங்கேது நியாயம்!

ஊருக்கெம்பி வேணுமென்றிருந்தோம்

யாருக்கும் லாபமில்லையிங்கு
பேரோடு முடிஞ்சி போச்சி!

யாது செய்யினும் பிரச்சினை

ஏதும் எனக்கில்லை அடுத்தமுறையும்

யானே தளபதி என்கிறார் -நாமும்

ஏனோ ஜனநாயகமென்கிறோமின்னும்!

நோக்கு முழுவதுவும் அடுத்த கதிரை- கொடுத்த

வாக்கு யாவும் அடுத்தமுறை வரையும்

தேக்கு நிலையிலிருக்க நம்பி

வாக்கு போட்ட மாந்தரிற்கு

ஏக்கமட்டுமே எஞ்சிக்கிடக்குதிங்கு!

ஆட்சியதிகாரபோதை அரசனாட்டம் போடவைக்குது

அடக்குமுறையும் அடாவடியும் அரசாளமுனையிது

மீட்சி வேண்டிநிற்கும்மக்காள் நாடுவதுவோ -உறு

மீனைக்காத்திருக்கும் எதிர்க்கட்சியிடமல்லோ!