தடமாற்றம்

முள்ளை முள்ளால் எடுக்கலாம் -குத்திய
முள்ளாலிலுமா?
கிள்ளியவனிடமே தொட்டிலாட்டலா?
கள்வனிடம் காவல் பொறுப்பா?

பிய்க்க முனைந்தவனிடமே
பிரிக்கவா கேட்கிறீர்கள்?

குரங்கு பிச்சித்தான் தின்னும்
பிரித்துத்தராது
புரிந்து கொள்ளுங்கள்!

நனையட்டும் ஆடு காய்ந்துவிடும்
நரியிடம் வேண்டாம் குடைவாசம்!

தடுமாற்றம் தவிர்த்திட
தடமாற்றிடலாகாது!

வாழ்வியல் கோலம்

 


மற்றவர் பெற்றார்
பெற்றவர் இழந்தார்
பெத்ததும் பெற்றார்
மற்றவர் பெற்றிட
பெற்றாராய் இழந்தார்
தொற்றிய தொற்றாய்
தொடர்ந்திடும் விதியிது
முற்றுப்பெறாத முடிவிலி உலக
முற்றுநாள் பெற்றிடும் வரையிலும்!