சம்பளம் நிரந்தர வருமானம்
கிம்பளம் பிரதான வருமானம்.
***
மயிர் பிடுங்க மணித்தியலங்கள்- கவனித்தால்
மலை பிடுங்கவே மணித்துளிகள்.
***
சட்டம் மதிக்கப்பட வேண்டும்
சனம் மிதிக்கப்பட்டாலும்.
***
ஊதியம் உரிமை
வேலைக்கு வேண்டும் வேறாக.
***
அரசியல் வாதி நாடா வெட்ட
அருகில் டை கட்டி கை தட்டு
அழைக்கப்பட்ட சிரிப்பைக் காட்டி
***
சுயமாய் சமளிக்க முடியாதவர்களின்
சுதந்திர சுற்றாடல்.
***
பெண்டிருக்கு பரிந்துரைக்கப்பட்ட
பொருத்தமான புகலிடம்.
***
அரசியல் ஆதிக்கம், மேலிடத்தின் அதிகாரம்
அடங்கினால்போதும் அடுக்கடுக்காய் அலுவலிருந்தாலும்
அஞ்ச அவசியமில்லை.
***
வெளியார் சேவையில் வெடுக்கென வேலை
அரச சேவையில் அலட்சிய அரைமனதுடன் ஆறுதல் சேவை. வைத்தியத்துறை மெத்தான உதாரணம்.
***
அனைத்துமிருக்க கடின வேலைகளுக்கு கொந்தூரத்து
ஆளுக்காள் வீதாசாரத்தில் விளையாட்டு.
***
வேண்டாத செய்முறைச் சிக்கல்கள்
வீணாய்ப் போகும் மக்கள் சொத்துகள்.
***
வாயிழந்து வழியின்றி தவிக்கும்
வரியிறுப்பாளர் சமுதாயம்.
***
எழுத்தில் நல்ல வீச்சு உண்டு .. நன்றாகப் புனைந்துள்ளீர் .
ReplyDelete